Sagan af vörum okkar

Abstract

Á undan förnum árum hefur munnleg saga verið að öðlast ákveðna viðurkenningu innan sagnfræðinnar. Munnleg saga gengur út á að afla sögulegrar þekkingar með því að taka viðtöl við fólk um líf þeirra og liðna atburði.Í þessu verkefni verður fjallað um munnlega sögu sem og hvernig hægt er að nota hana í sögukennslu í grunnskóla. Verkefnið er í megindráttum tvískipt, í fyrri hluta verkefnisins er sagt frá sagnfræði, nokkrum aðferðum innan hennar, þó aðallega munnlegri sögu. Greint er frá stöðu munnlegrar sögu innan sagnfræðinnar, kostum hennar og göllum. Í seinni hlutanum gerum við grein fyrir tilraunakennslu sem við unnum í samstarfi við nemendur í 9. bekk í Grunnskóla Grindavíkur og tengingu kennslunnar við Aðalnámskrá grunnskóla. Kennslan fólst í að nemendur tóku viðtöl við einstaklinga og unnu bækur upp úr þeim. Fjallað verður um reynslu okkar og annarra af munnlegri sögu. Niðurstaða okkar er að munnleg saga sé mjög góður kostur í kennslu og samræmist vel markmiðum aðalnámskrá vegna þeirrar fjölbreytni sem aðferðin býður upp á.Lykilorð: Munnleg saga, sagnfræði, sögukennsla