Gagnvirkar lausnir íslenskra dagblaða

Abstract

Snjallsímar, spjaldtölvur og sér í lagi internetið hafa skapað ný tækifæri í framsetningu á grafísku efni. Viðhorf fólks er að þróast í takt við auknar tækniframfarir og flest fyrirtæki fylgja þeim eftir með því að aðlaga sig að þeim framförum. Dagblöðin eru líklega í áhugaverðustu stöðunni þar að mati höfundar. Í þessari ritgerð verða gagnvirkar lausnir dagblaða skoðaðar með áherslu á þau íslensku. Dagblöð samtímans og staða íslensku blaðanna verða tekin fyrir og einnig verður rýnt í nokkrar erlendar fyrirmyndir. Höfundur framkvæmdi einnig viðhorfskönnun þar sem lestur fólks og viðhorf gagnvart bæði prentuðum og stafrænum dagblöðum var rannsökuð. Því var eftirfarandi rannsóknar-spurning höfð að leiðarljósi við þessa rannsókn: Hafa gagnvirkar lausnir íslenskra dagblaða haft áhirf á lestur og eða viðhorf til prentuðu útgáfunnar? Í ljós kemur að þær lausnir hafa vissulega haft áhrif á prentmiðilinn, en ekki í jafn ríkum mæli og oft er haldið fram. Íslensk dagblöð eru ekki að nýta sér til fullnustu þá möguleika sem bjóðast í stafrænum miðlunarleiðum og því er ekki hægt að segja að þær lausnir hafi haft áhrif á prentuðu útgáfurnar. Vissulega hefur þó internetið og þær fréttir sem fást þar án endurgjalds haft töluverð áhrif. Enn virðist þó vera eftirspurn eftir dagblöðum á prentuðu formi. Það er þó nokkuð ljóst að þau dagblöð sem kjósa ekki að nýta sér þær gagnvirku lausnir til fullnustu, munu að öllum líkindum fjara út.