Horft til framtíðar : forritunarkennsla í grunnskólum

Abstract

Þetta lokaverkefni til bakkalárgráðu fjallar um mál sem er ofarlega á baugi í samfélags- umræðunni í dag, forritunarkennslu í grunnskólum. Saga tölvunotkunar í menntun er rakin í stuttu máli, forritun kynnt fyrir lesendum, leitast er við að draga fram gildi forritunarkennslu fyrir samfélag og skólastarf og rýnt í rannsóknir á því sviði. Nýlegar rannsóknir virðast af skornum skammti og því er mikið vitnað í eldri heimildir. Seymour Papert og Mitchel Resnick eru þeir fræðimenn sem helst er vitnað til um gildi forritunar- kennslu fyrir börn en þeir hafa báðir fengist við þróun forritunarumhverfis ætlað börnum með það fyrir augum að ýta undir sköpun í uppeldi og skólastarfi og efla rökhugsun. Fjallað er um hlut forritunarkennslu í aðalnámskrá grunnskóla og hvaða áhrif hún hefur á skapandi hugsun, þrautalausnir og eflingu vitsmunaþroska. Ýmis forritunarmál og kostir á þessu sviði eru skoðuð, rætt lítilega um þjarka og fjallað sérstaklega um LOGO, Scratch og Alice. Gerð er grein fyrir menntun kennaranema og endurmenntun kennara á sviði forritunar. Einnig er farið yfir hvernig forritunarkennslu er háttað í grunnskólum hér á landi og hvernig mætti bæta hana.