Hernám hugans : áhrif af veru Varnarliðsins á Keflavíkurflugvelli

Abstract

Bandaríkjamenn tóku við að tryggja varnir Íslands í seinni heimstyrjöldinni þegar Bretar vildu draga herlið sitt burt. Vera Varnarliðsins á Keflavíkurflugvelli í meira en hálfa öld hafði margvísleg áhrif á samfélagið á Suðurnesjum. Fjöldi fólks fékk þar vinnu og við það stórbatnaði atvinnuástand svæðisins. Á fyrri hluta tímabilsins sem herinn var hér bjó nokkuð mikið af Bandaríkjamönnum utan herstöðvarinnar og skapaði það aukin samskipti milli þeirra og heimamanna. Á flugvellinum varð til samskiptamál sem Bandaríkjamenn og Íslendingar notuðu í starfi sínu. Þetta mál virðist þó hafa verið staðbundið innan girðingarinnar utan þess að flestir sem bjuggu á Suðurnesjum þekktu helstu nöfn sem þekktir staðir og byggingar gengu undir. Við heyrðum sjónarmið nokkurra Suðurnesjamanna um áhrif af veru Varnarliðsins. Lítil sýnileg andstaða var við veru herliðsins og teljum við það vera vegna þess hve margir áttu lífsviðurværi sitt undir því komið. Hernám hugans er hugtak sem skýrir þetta vel, að venjast og sætta sig við þá ógn sem hernaðarbrölti fylgir.Lykilorð: Tungutak.