Þetta er týndur hópur : starfsvettvangur þroskaþjálfa með langveikum börnum

Abstract

Viðfangsefni rannsóknarinnar sem er hér til umfjöllunar er langveik börn og hlutverk þroskaþjálfa á þeim vettvangi. Um er að ræða eigindlega rannsókn sem byggir á opnum viðtölum við þrjá fagaðila sem starfa með langveikum börnum, tvo þroskaþjálfa og hjúkrunarfræðing. Viðfangsefnið hefur ekki verið skoðað út frá þessu sjónarhorni áður. Markmiðið með verkefninu var að fá fram viðhorf fagaðilanna á hlutverki þroskaþjálfa með langveikum börnum og sýna fram á hvernig sérþekking þeirra nýtist á þeim vettvangi. Niðurstöður rannsóknarinnar gefa til kynna að úrbóta sé þörf á sviði þjónustu við langveik börn sem og réttinda þeirra. Þroskaþjálfar starfa á víðum vettvangi og gefa niðurstöðurnar einnig til kynna að sérþekking stéttarinnar geti nýst með þessum tiltekna hópi barna.