„Það eina sem þú átt er hæfnin til að stjórna huga þínum“ : hvert þarf lífsleiknikennsla í grunnskólum að stefna?

Abstract

Viðfangsefni þessarar ritgerðar er að velta upp hvert lífsleiknikennsla í íslenskum grunnskólum þurfi að stefna. Í ritgerðinni er saga námsgreinarinnar í aðalnámskrám grunnskóla rakin. Farið verður yfir þá þætti sem geta talist mikilvægir til að undirbúa nemendur sem best undir þátttöku í lýðræðisþjóðfélagi. Gerð verður grein fyrir kennslu þar sem þessir þættir eru hafðir að leiðarljósi og hafa reynst árangursríkir í lífsleiknikennslu. Fjallað verður um hlutverk kennarans í slíkri kennslu og hvaða kennsluaðferðir eru vel til þess fallnar að efla þessa þætti. Að lokum eru niðurstöður rannsókna reifaðar sem tengjast því að efla tilfinninga-, félags- og siðferðisþroska nemenda. Að lokum draga höfundar efnið saman og velta fyrir sér á gagnrýninn hátt kostum þess að eyða tíma og fjármunum í að auka velferð og hamingju allra nemenda grunnskólans.