Eldri borgarar og tómstundir : er endalaust hægt að kenna fólki að leika sér?

Abstract

Markmið þessa lokaverkefnis er að skoða helstu kenningar um aldur, öldrun og tómstundir fyrir eldri borgara. Hverjar hindranir eldri borgara eru í tómstundum og hvernig er best að takast á við þær. Kynntar verða kenningar um tómstundamenntun og tómstundaráðgjöf og hvernig hægt er að nýta þær í starfi til þess að virkja eldri borgara. Rannsóknir sýna að eldri borgarar hafa mikinn tíma aflögu, skiptir því máli að hann sé vel skipulagður og að eldri borgarar viti hvaða afþreyingu þeir geti sótt. Ritgerðarspurningin var hugsuð út frá því að tómstundum er oft líkt við leik og er spurningin svona „Er endalaust hægt að kenna fólki að leika sér?” Niðurstöður sýna að svo sé. Ef að góð undirbúningsvinna er unninn er hægt að fá eldri borgara með sér í lið og virkja þá á eigin forsendum áfram í tómstundum sem þeim líkar við. Fólksfjöldaspár sýna fram á mikla fjölgun eldri borgara á næstu þrjátíu árum og skiptir máli að samfélagið sé í stakk búið að taka á móti þeim og hjálpa til við að gera ellina sem skemmtilegasta. Síðast en ekki síst að eldri borgarar séu virkir og láti ekki hindranir stöðva sig í því að njóta lífsins.