en English is Íslenska

Thesis University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/1926

Title: 
  • is Stærðfræðikennsla í getublönduðum bekkjum á miðstigi : viðtalsrannsókn við þrjá miðstigskennara
Abstract: 
  • is

    Markmið rannsóknarinnar var tvíþætt. Hvernig stærðfræðikennsla í getublönduðum bekkjum á miðstigi væri háttað og hvort sýnilegar væru hugmyndafræðilegar áherslur í stærðfræðikennslu. Unnin var eigindleg viðtalsrannsókn meðal þriggja miðstigskennara. Tveir þeirra störfuðu eftir hugmyndum um einstaklingsmiðað nám og samkennslu árganga en einn var með hefðbundna aldurskiptingu í bekk og starfaði eftir uppbyggingarstefnu. Viðtölin voru greind út frá aðalatriðum og tengd við ákveðnar hugmyndafræðilegar áherslur og Aðalnámskrá grunnskóla.
    Rannsóknir á kennsluhættum og kennsluaðferðum kennara á miðstigi hafa aukist. Ekki hefur áður verið athugað hvort að hugmyndafræðilegar áherslur skóla hafi áhrif á kennsluhætti kennara í stærðfræðikennslu.
    Uppbyggingarstefna er ekki sýnileg í stærðfræðikennslu á miðstigi en það eru hins vegar einkenni einstaklingsmiðaðs náms. Kennsluhættir kennara eru ólíkir eftir hugmyndafræði skóla og aldurskiptingu. Hugmyndafræðilegar áherslur hafa mismikil áhrif á stærðfræðikennslu kennara sem starfa eftir hugmyndum um einstaklingsmiðað nám. Óháð hugmyndafræði, aldurskiptingu í bekki, kennsluháttum og námsfyrirkomulagi er stærðfræðikennsla einhæf.
    Ekki er hægt að alhæfa um niðurstöður rannsóknarinnar þar sem um eigindlega rannsókn er að ræða. Niðurstöðurnar gefa vísbendingar um hvernig stærðfræðikennsla í getublönduðum bekkjum á miðstigi er og hvernig hugmyndafræðilegar áherslur eru sýnilegar í stærðfræðikennslu. Merkjanlegar eru breytingar á námsmati hjá einum kennara, sem er í samræmi við hugmyndafræðilegar áherslur einstaklingsmiðaðs náms og Aðalnámskrá. Einnig voru vísbendingar um að samræmd próf í 4. og 7. bekk stýri kennslu og að kennarar telji óréttmætt að birta samanburð á einkunnum í fjölmiðlum. Vísbendingar eru um að niðurstöður samræmdu könnunaprófanna gefi ekki nýjar upplýsingar um námsgetu nemenda og því leiðsagnargildi þeirra réttlætanlegt.
    Lykilorð: Samræmd könnunarpróf, hugmyndafræði, uppbyggingarstefna, viðtalsrannsókn, námsmat.

Description: 
  • is Grunnskólabraut
Accepted: 
  • Sep 17, 2008
URI: 
  • http://hdl.handle.net/1946/1926


Files in This Item:
Filename Size VisibilityDescriptionFormat 
heildarskjal.pdf534.24 kBLockedHeildartextiPDF
utdrattur_formali.pdf42.42 kBOpenÚtdráttur - formáliPDFView/Open
meginmal.pdf393.08 kBLockedMeginmálPDF
heimildaskra.pdf74.8 kBOpenHeimildaskráPDFView/Open
vidaukar.pdf146.64 kBOpenViðaukarPDFView/Open