Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/1933
Þessi ritgerð er unnin sem lokaverkefni til B.Ed.-prófs við grunnskólakennarabraut Kennaraháskóla Íslands vorið 2008. Ritgerðin byggist á niðurstöðum eigindlegrar rannsóknar og er tilgangurinn tvíþættur:
1. Að fá fram reynslu kennara í starfi miðað við þær kröfur samfélagsins sem gerðar eru til þeirra um þjónustu við nemendur með ADHD.
2. Að varpa ljósi á hverjir eru mikilvægustu þættir í starfi kennarans svo hægt
sé að veita nemendum með ADHD sem besta þjónustu.
Ritgerðin byggist á gögnum sem aflað var úr viðtölum við fjóra starfandi grunnskólakennara á Austurlandi.
Helstu niðurstöðurnar eru þær að nemendur með ADHD hafa mikil áhrif á störf kennara bæði hvað varðar undirbúning fyrir kennslu, vinnu í kringum greiningar nemenda, kennsluna sjálfa, samskipti við foreldra og samskipti við annað fagfólk.
Af niðurstöðum má ætla að grunnskólakennarar þurfi aukinn stuðning frá ríki og sveitarfélagi vegna álags svo þeir geti sinnt nemendum með ADHD eins vel og þeir eiga rétt á. Menntun í KHÍ á málefnum barna/nemenda með ADHD þyrfti að auka.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
360.pdf | 409,31 kB | Lokaður | Nemendur með ADHD og menntun kennara. |