„Það verður hverjum að list sem hann leikur“ : kennsluverkefni með fimm smásögum.

Abstract

Í þessu verkefni sem er lokaverkefni til B.Ed. prófs, eru teknar fyrir smásögur og kennsluverkefni tengd þeim. Verkefnið skiptist í tvo hluta. Í fræðilega hlutanum er fjallað um smásöguna og heildstæða móðurmálskennslu auk þess sem finna má umfjöllun um íslenskuhluta Aðalnámskrárinnar og kennsluaðferðir. Seinni hluti verkefnisins samanstendur af fimm íslenskum smásögum og fjölbreyttum verkefnum sem kennarar geta nýtt sér. Þar er einnig að finna hugtakalista er nemendur geta stuðst við þegar þeir vinna sum verkefnanna. Verkefnin eru miðuð við unglingastig grunnskólans en auðvelt er fyrir kennara að aðlaga þau að miðstigsnemendum ef svo ber undir.