Tölfræðinýting þjálfara í Pepsi-deild karla árið 2013

Abstract

Markmið: Að sjá hvort þjálfarar í Pepsi-deild karla árið 2013 hafi nýtt sér tölfræðiþætti leikja og hversu mikið þeir leikgreindu lið sitt og andstæðinga sína. Jafnframt að kanna hvaða þætti þjálfararnir horfðu helst eftir við leikgreininguna.Aðferðir: Tólf þjálfarar í Pepsi-deild karla árið 2013 tóku þátt í þessari rannsókn þar sem þeir svöruðu spurningarlista. Unnið var úr spurningalistanum í tölfræðiforritinu SAS 4.3. Niðurstöður: Sjö af tólf þjálfurum nýttu sér tölfræðiforrit á síðasta tímabili. Þjálfararnir lögðu almennt meiri áherslu á að leikgreina lið sitt heldur en andstæðinga sína og þeir virtust leggja meira upp úr sóknarleik heldur en varnarleik þegar leikgreining átti sér stað.Umræður: Þjálfararnir lögðu mikið upp úr leikgreiningu og tölfræðiþáttum úr föstuleikatriðum, en það er spurning hvort það skili sér. Eru þeir ef til vill að leggja of mikla áherslu á þætti sem skipta ekki svo miklu máli?