Hvað hafa íslensk fyrirtæki gert til þess að vinna að góðu viðskiptasiðferði?

Abstract

Meginmarkmið rannsóknarinnar var að kanna hvort íslensk fyrirtæki ynnu að góðu viðskiptasiðferði og þá með hvaða hætti. Fyrst er farið yfir hvað fyrirtæki hafa og geta gert til að vinna að góðu viðskiptasiðferði. Næst er fjallað um þær rannsóknir sem framkvæmdar voru og niðurstöður kynntar. Rannsókn A var megindleg í formi símaviðtala og spurningalista. Í henni voru 47 þátttakendur. Í rannsókn B voru eigindleg viðtöl tekin við viðmælendur fjögurra fyrirtækja. Helstu niðurstöður rannsóknar A voru þær að íslensk fyrirtæki eru komin frekar stutt á veg hvað varðar gott viðskiptasiðferði og innleiðingu þess. Í rannsókn B var farið dýpra ofan í saumana og sýndu niðurstöður að fyrirtæki segjast gera meira en þau raunverulega gera til þess að stuðla að góðu viðskiptasiðferði.