en English is Íslenska

Thesis (Bachelor's)

Reykjavík University > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Please use this identifier to cite or link to this item: http://hdl.handle.net/1946/19483

Title: 
  • Title is in Icelandic Stefnumótun fyrir Kaffihúsið Álafossi
Degree: 
  • Bachelor's
Abstract: 
  • Abstract is in Icelandic

    Kaffihúsið Álafossi hóf rekstur sinn vorið 2010, síðan þá hefur reksturinn farið í gegnum miklar breytingar og hefur reksturinn ekki gengið nógu vel seinustu tvö ár. Tilgangur þessarar ritgerðar er að móta nýja stefnu fyrir Kaffihúsið Álafossi í þeirri von að koma rekstrinum í betri farveg og laga fjárhagshalla.
    Byrjað var á upplýsingaöflun fyrir ýtarlegri greiningarvinnu bæði fyrir innra og ytra umhverfi fyrirtækisins. Við greiningarvinnuna voru margskonar stefnumótunartæki notuð svo sem SVÓT, VRIO, fimm krafta líkan Porters o.fl. Eftir greiningarvinnuna voru ný gildi, hlutverk og markmið mynduð fyrir fyrirtækið. Þar fékk kaffihúsið gildis orðin Hlýtt - Íslenskt - Heimili og ákveðið að staðurinn skuli vera kallaður Álaborg Bistro í stað Kaffihúsið Álafossi þar sem orðið bistro lýsir rekstrinum betur. Fyrirtækið fékk þá einnig stefnuyfirlýsinguna ”Íslensk upplifun með heilsusamlegum og umfram allt gæða veitingum við notalegar og fallegar aðstæður”.
    Við afmörkun stefnunnar eru breytingar og aðgerðir ákveðnar út frá svokölluðu business model canvas þar sem rekstri fyrirtækisins er skipt í markhóp, lykil samstarfsaðila, lykil starfsemi, lykil auðlindir, virðisaukandi þætti, samband við viðskiptavini, kynningaleiðir, tekjustreymi og kostnaðarstreymi. Ný gildi, hlutverk og markmið eru nýtt í að forgangsraða þeim mögulegu breytingum og aðgerðum sem ákveðnar eru í afmörkun stefnunnar, passa þarf að allar aðgerðir og breytingar séu í takt við nýmótaða stefnuna. Tveir nýir markhópar bætast við heildar markhóp kaffihússins auka aðgerða til að draga þá að og halda í eða auka viðskipti fyrri markhópa. Lagðar eru til aðgerðir sem myndu nýta sér að fulla þá möguleika sem aukið samstarf við samstarfsaðila hefur upp á að bjóða auk þess sem bætt er við fleiri samstarfsaðilum. Virðisaukandi þættir og lykilauðlindir eru skilgreindar og ýtt undir að þeir þættir séu vel nýttir. Ný lykil starfsemi er skilgreind og aðgerðir lagðar til fyrir breytingar. Nýjar og hnitmiðaðri kynningarleiðir eru kynntar auk leiða til að bæta samband við viðskiptavini. Farið er yfir helstu breytingar sem áætlaðar eru á tekjustreymi og kostnaðarstreymi, þar sem áætlað er að við lok ársins 2015 endi reksturinn í um það bil þriggja milljón krónu hagnað.

Accepted: 
  • Sep 3, 2014
URI: 
  • http://hdl.handle.net/1946/19483


Files in This Item:
Filename Size VisibilityDescriptionFormat 
Stefnumótun fyrir Kaffihúsið Álafossi.pdf2.14 MBOpenPDFView/Open