Stafaspilið A-Ö : námsspil til lestrarkennslu

Abstract

Námsspilið er í anda kennsluprógrammsins Early Steps sem bandaríski prófessorinn og kennslufræðingurinn Darrell Morris hannaði. Stafaspilið A-Ö inniheldur stafa- og myndaspjöld sem nota má við kennslu á bókstöfum og til að auka hljóðkerfisvitund nemenda. Markmiðið með námsspilinu er að koma á móti knýjandi þörf á kennsluefni sem hentar til lestrarkennslu barna sem eiga erfitt með að ná tökum á lestri. Greinargerðinni er ætlað að varpa ljósi á gildi námsspilsins út frá kenningum um lestrarnám og þróun læsis. Fyrst er almenn umfjöllun um lestur, lestrarkennsluaðferðir og lesblindu. Næst er gerð grein fyrir mikilvægi snemmtækrar íhlutunar í tengslum við kennsluprógrammið Early Steps sem ætlað er að koma til móts við nemendur með lestrarörðugleika. Að lokum er Stafaspilið A-Ö kynnt og færð rök fyrir gildi þess.