Forræði þjóðar í fyrirrúmi. Tilraunin til að endurskoða stjórnarskrána frá grunni

Abstract

Bankahrunið haustið 2008 hafði ekki aðeins kollsteypuáhrif á fjárhag þjóðarinnar heldur kallaði það á grundvallarendurskoðun á stoðum íslensks lýðræðis og stjórnkerfis. Þjóðin þurfti að líta í eigin barm og meta sjálfsálit sitt frá grunni. Hofmóður stjórnvalda og mikils hluta þjóðarinnar eftir velgengni undanfarinna ára varð í skyndi að víkja fyrir skömm og auðmýkt, undirgefni við skilyrta hjálp Alþjóðagjaldeyrissjóðsins og Norðurlanda annars vegar og átök við Breta og Hollendinga hins vegar. Bretar gerðu einum betur: Lýstu Íslandi sem hryðjuverkaríki og fóru með fjárreiður landsins í breskum bönkum í samræmi þar við.