is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19659

Titill: 
  • Félagslegt og tilfinningalegt nám með hestum. "Mér fannst ég bara einhvern veginn svona svífa".
  • Titill er á ensku Equine-facilitated Social Emotional Learning
Námsstig: 
  • Meistara
Höfundur: 
Útdráttur: 
  • Verkefnið fjallar um námsleiðina „félagslegt og tilfinningalegt nám með hestum“ og fræðilegar forsendur hennar, og gefur lesendum innsýn í upplifun nemenda af þeirri námsleið og gagnsemi hennar.
    Námsleiðin er lítið þekkt á Íslandi en megintilgangur verkefnisins er að kynna hugmyndafræði og framkvæmd hennar. Hún felur í sér félagslegt og tilfinningalegt nám sem er nauðsynlegur þáttur í námi barna frá leikskólaaldri og þar til þau ljúka grunnskólanámi. Góð félagsfærni og tilfinningalæsi hefur mikil áhrif á námsárangur og velgengni einstaklinga alla ævi.
    Sérstökum eiginleikum hestsins, sem gera hann að einstökum kennara á sviði félagsfærni og tilfinningalæsis, verður lýst í fræðilega hluta verkefnisins. Hér verður einnig fjallað um undirbúning, skipulag, framkvæmd og mat á námsleiðinni. Kenningar um reynslunám og tengsl námsleiðarinnar við „sálfræðimeðferð með aðstoð hesta“ verða skoðuð sem og kenningar um tilfinningagreind og tengslamyndun.
    Eigindleg þátttökurannsókn fór fram í kennslustundum sem byggðar voru á námsleiðinni „félagslegt og tilfinningalegt nám með hestum“. Meginviðfangsefni rannsóknarinnar er að varpa ljósi á námsleiðina, þær leiðir sem sú námsleið býður upp á til að vinna með tilfinningaþroska og -færni nemenda og möguleika hennar til að hafa jákvæð áhrif á líðan nemenda. Gagnaöflun fór fram með söfnun bakgrunnsupplýsinga, skriflegum skráningum á kennslustundum, ljósmyndaskráningum, könnunum, einstaklingsviðtölum og rýnihópaviðtölum.
    Helstu niðurstöður rannsóknarinnar eru að nemendur upplifa námsleiðina sem almennt nám tengt hestamennsku, sem og nám tengt tilfinningum, hegðun og líðan þeirra. Námsleiðin býður upp á fjölmargar leiðir til að vinna með tilfinningaþroska og -færni nemenda og hún bætir líðan nemenda með því að rjúfa vítahring félagslegrar einangrunar og veita nemendum öruggan vettvang til að þjálfa færni sína á þessu sviði. Styrking sjálfsmyndar og efling sjálfsmats eru áberandi í niðurstöðum sem og tengsl námsins við tilfinningagreind og tengslamyndun.
    Verkefnið nýtist öllum þeim sem vilja kynna sér námsleiðina „félagslegt og tilfinningalegt nám með hestum“ og gagnsemi hennar og finna leiðbeiningar við skipulag slíks náms.

  • Útdráttur er á ensku

    This paper discusses the method of equine-facilitated learning with a focus on social emotional learning and reports on an action research that opens an insight into the experience of students learning through this method.
    The first part of the paper considers theory and practice. Learning social and emotional skills is the core of this method, which is considered to be a necessary part of education from preschool through middle school, since social and emotional skills have a great influence on academic achievements and general success in life. Further contents include the unique characteristics of the horse that make it a specialised teacher in social and emotional matters and the preparation, organisation, implementation and evaluation of equine-facilitated social emotional learning. The connection between this method and „Equine-assisted psychotherapy“ will be discussed and theories on experiential learning, emotional intelligence and building of relationships will be introduced.
    The qualitative action research examined in the second part of the paper took place in learning sessions built on the method „Equine-facilitated social emotional learning“. The research focus was intended to get a deeper understanding of the method, discover ways the method offers for the development of social and emotional skills, and consider how the method can improve the well-being of the students. Research data was collected through the gathering of background information, observations, field notes, photographs, questionnaires, individual interviews and focus groups.
    The central results suggested that the students thought they were mostly learning about horses, but that it also involved their emotions, behaviour and well-being. Equine-facilitated learning offers many opportunities to develop social and emotional skills and contributes to the students´ mental health by breaking the vicious circle of emotional and social isolation and offering plenty of opportunities to practise those skills in a safe environment. Self-concept and self-evaluation were central issues for most of the students and are discussed in connection with emotional intelligence and relationship skills in the paper.
    This paper will be useful to those who want to familiarise themselves with the method and its benefits in detail and to those looking for practical guidance in establishing the method in their learning environment.

Samþykkt: 
  • 10.9.2014
URI: 
  • http://hdl.handle.net/1946/19659


Skrár
Skráarnafn Stærð AðgangurLýsingSkráartegund 
MEd-NAD_Félagslegt og tilfinningalegt nám með hestum.pdf1.93 MBOpinnHeildartextiPDFSkoða/Opna