Brottfall stúlkna úr knattspyrnu : rannsókn á knattspyrnuiðkun stúlkna

Abstract

Tilgangur rannsóknarinnar er að kanna brottfall stúlkna úr knattspyrnu. Úrtakið í rannsókninni voru 105 stúlkur sem iðkuðu knattspyrnu árið 2002 en voru hættar þeirri iðkun þegar rannsóknin fór fram. 77 þátttakendur tóku þátt eða 73,3% og voru þeir á aldrinum 18-22 ára (meðalaldur: 19,4 ár). Haft var samband við þátttakendur í gegnum síma og spurningarlisti í 15 liðum lagður fyrir þær. Þátttakendur í rannsókninni hættu knattspyrnuiðkun rúmlega 15 ára og einungis 14,3% skilaði sér upp í 2.flokk. Helstu ástæður brottfallsins voru eftirfarandi: „fékk önnur áhugamál“ (58,4%), „lélegur félagsandi innan flokksins“ (42,9%) og „meiðsl“ (39,0%). Eftir að knattspyrnuiðkun lauk héldu 91,0% þátttakenda áfram að stunda aðrar íþróttir og/eða hreyfingu. Upphaf unglingsáranna er viðkvæmur tími og stór hluti þátttakanda hætti á því skeiði. Ástæður brottfallsins tengjast bæði hinu innra starfi félagsins sem og utanaðkomandi áhrifum. Til að koma í veg fyrir brottfall þarf að bæta hið innra starf félaganna sem og aðlaga sig að utanaðkomandi áhrifum.