Þrívíddarprentun. Framleiðsluaðferð framtíðarinnar?

Abstract

Markmið þessarar ritgerðar er að kynna þrívíddarprentara, virkni þeirra og möguleika. Í ritgerðinni er farið lauslega í tæknilegar útskýringar á þrívíddarprenturum þar sem gerður er greinarmunur á tveimur megintegundum. Fjallað er um sögu og þróun prenttækninnar og sýnt fram á margvíslega möguleika hennar í hönnun og efnisvali. Farið er yfir hugbúnað og staðla sem þrívíddarprentun styðst við og hversu háð hún er tölvu- og hugbúnaðartækninni. Áhrif tækninnar á byggingariðnaðinn og tækifæri á sviði læknavísinda eru rakin. Farið er yfir framfarir sem nú þegar hafa orðið og þær vonir sem læknar og vísindamenn binda við tæknina. Skoðuð eru áhrif þrívíddarprentara á samfélagið og neysluvenjur okkar, en með aukinni þátttöku almennings í notkun prentaranna opnast nýir möguleikar m.a. í hönnun og nýsköpun. Farið er yfir hugsanleg jákvæð áhrif þrívíddarprentara á náttúru og umhverfi þar sem m.a. nálægð við markaðinn og betri efnisnýting gæti haft mikil áhrif.