Hvernig bæta má birgðastýringu 66°Norður. Pareto-greining

Abstract

Birgðastýring hefur þróast töluvert gegnum árin en mikilvægt er fyrir fyrirtæki að hafa góða yfirsýn yfir birgðahald og kostnaðinn við það. Fyrirtækið Sjóklæðagerðin hf. - 66°Norður var tekið fyrir í þessu verkefni og einblínt á barnafatnað sem er í sölu og vörslu hjá fyrirtækinu. Sævar Már Gústavsson, starfsmanni 66°Norður, útvegaði þau gögn sem unnið var úr og gerð greining á. Efni ritgerðar skiptist svo: Í fyrsta kafla er fjallað um mikilvægi birgðastýringar í fyrirtækjum og tilgangur verkefnis kynntur. Í kafla tvö er farið yfir hugtakið birgðastýring og fjallað um þá Pareto-greiningu sem framkvæmd var á gögnunum. Í þriðja kafla er kynning á fyrirtækinu, rætt er um sögu fyrirtækisins, stefnu þess og stefnumótun, hvaða tækifæri það sér á markaði. Gerð var svokölluð SVÓT greining til að gera betur grein fyrir styrk¬leikum, veikleikum, ógnunum og tækifærum á markaði og er fjallað um hana í þriðja kafla, undirkafla fimm. Í fjórða kafla er greint frá forsendum og gögnum sem unnið var með til að komast að niðurstöðu um hvaða vörur eiga ávallt að vera til á lager og hvaða vörur séu ekki nauð-synlegar í vörslu með það að markmiði að koma í veg fyrir aukinn kostnað í birgðahaldi. Í fimmta kafla eru niðurstöður birtar en í sjötta kafla er greint frá því þegar niðurstöður voru bornar undir forstjóra Sjóklæðagerðarinnar - 66°Norður. Að lokum eru umræður. Í verkefninu eru birtar töflur og gröf til einföldunar á skilningi greiningarinnar en að auki eru í viðauka allar töflur í heild sinni.