Deildarstjóri í leikskóla : áhrif starfsaðstæðna á vilja og veruleika

Abstract

Í ritgerðinni er fjallað um deildarstjóra í leikskóla og leitast við að varpa ljósi á hvaða áhrif starfsaðstæður hafa á vilja og veruleika við stjórnun leikskóladeildar. Fjallað er um starfslýsingar deildarstjóra, starfsaðstæður, stjórnun og forystu, þróun liðsheildar og úthlutun verkefna. Viðmælendur í ritgerðinni starfa við ólíkar aðstæður hvað varðar fjölda leikskólakennara á deildinni. Guðrún er deildarstjóri á Grænudeild þar sem starfa margir leikskólakennarar en Sigríður er deildarstjóri á Steini þar sem hún er eini leikskólakennarinn. Í lokin eru tekin saman þau atriði sem skilja að og eru sameiginleg Guðrúnu og Sigríði í vilja og veruleika við stjórnun leikskóladeildar.