Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6677
Ritgerð þessi er á sviði vinnuréttar, bæði Evrópsks og innlends að því marki sem innleiðing Evrópureglna hafa mótað innlenda vinnulöggjöf. Um er að ræða fræðilega samantekt á áhrifum Evrópskar vinnulöggjafar á einstaklingsbundin réttindi á innlendum vinnumarkaði.
Við upphaf Evrópusamstarfsins var takmörkuð áhersla lögð á málefni tengd vinnurétti og fá ákvæði í hinum upprunalega Rómarsáttmála er vörðuðu það svið, að undanskildum ákvæðum
um frjálsa för launafólks og jöfn laun karla og kvenna. Á grundvelli áherslna Evrópusambandsins á félags- og atvinnumál hefur gríðarleg þróun átt sér stað og í dag er evrópskur vinnuréttur umsvifamikil fræðigrein sem hefur haft margvísleg áhrif á réttindi einstaklinga á íslenskum vinnumarkaði á grundvelli EES-samningsins. Um er að ræða fjölbreytt réttindi og misjafnt hvaða áhrif og þýðingu þau hafa hérlendis. Rétturinn um frjálsa för launafólks og afleidd réttindi á grundvelli þess réttar hefur að líkindum haft víðtækustu áhrifin en jafnframt hafa reglur er varða réttindi starfsmanna við endurskipulagningu og gjaldþrot fyrirtækja veitt launafólki virka réttarvernd hér á landi sem ekki var til að dreifa áður. Það sama má segja um þau réttindi sem starfsmönnum í óhefðbundnum starfssambönum
hafa hlotnast á grundvelli innleiðingar tilskipana þar að lútandi. Eðli sumra þeirra réttinda sem innleidd hafa verið hér á landi leiðir til þess að þau hafa tæpast raunhæfa þýðingu hér á landi, s.s. reglur um evrópskt samstarfsráð, en þó verður ekki séð að innleiðing þeirra hafi neikvæð eða þvingandi áhrif, þó svo ákvæði þeirra eigi að mörgu leyti ekki við aðstæður eða
uppbyggingu hins íslenska vinnumarkaðs. Jafnframt verður að telja að sú jafnréttislöggjöf sem innleidd hefur verið hafi jákvæð áhrif hérlendis þátt fyrir að mörg þeirra réttinda sem
tilskipanir þar að lútandi hafi átt sér hliðstæðu fyrir innleiðingu þeirra. Er það því mat höfundar að áhrif Evrópsks vinnuréttar á íslenskan vinnumarkað feli í sér aukin réttindi
starfsmanna á mörgum sviðum og stuðli að jákvæðri þróun hérlendis.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ragnheidur_morgan_sigurdardottir_ML.pdf | 1.07 MB | Lokaður | Heildartexti |