Hagfræði tölvuleikja : hvaða hagfræði má læra af aðgerðaskiptum tölvuleikjum líkt og Colonization og Civilization

Abstract

Rannsóknir á tölvuleikjum hafa færst í aukanna á undanförnum árum og sýnt fram á gagnsemi tölvuleikja á ýmsum sviðum. Hvernig draga megi lærdóm af tölvuleikjum hefur verið skoðað ítarlega og tilraunir gerðar með aðferðir til kennslu sem byggja nánast einvörðu á tölvuleikjum. Tölvuleikir sem byggja á yfirsýn, skipulagningu og stefnu gefa notendum möguleika á að þjálfa upp hæfileika sem nýtast vel í raunheimum. Leikirnir Colonization og Civilization eru báðir leikir sem taka langan tíma í spilun og byggja á langtíma stefnu, yfirsýn og skipulagningu. Leikirnir eru báðir mjög skemmtilegir og hafa milljónir notenda um allann heim, vegna þessa eru þeir líklegir til að skila af sér þjálfun í ýmsum hæfileikum með spilun. Þar sem báðir leikirnir byggja á því að spilarinn byggji upp og nái tökum eða stjórn í efnahagslegu umhverfi þá kemur hagfræði sterk inn. Með hagfræðilegri hugsun við lausn vandamála og stefnumótunar þá verður auðveldara að komast framar öðrum í leikjunum og að lokum sigra. Spilun leikjanna verður því einskonar þjálfun í notkun á hagfræði sem vel má yfirfæra í raunheima. Hagfræði sem lærð er úr bók skilar skilning á fræðum og aðferðum en með því að spila tölvuleiki og beita hagfræði við lausn vandamála skilar frekar æfingu og þjálfun sem fæst ekki svo auðveldlega annarstaðar. Skemmtanagildið í leiknum verður því gagnvirk þjálfun í því að beita hagfræði í fyrirfram mótaðri stefnu. Þannig verða þeir sem spila markvisst slíka leiki betur undirbúnir til að gera slíkt hið sama á hörðum samkeppnismarkaði í raunheimum.