is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20057

Titill: 
  • Háskólanemar og barneignir. Viðhorf fyrsta árs nema í grunnnámi við Háskóla Íslands til barneigna
Námsstig: 
  • Meistara
Útdráttur: 
  • Markmið þessarar rannsóknar er að varpa ljósi á viðhorf nemenda á fyrsta ári í grunnnámi við Háskóla Íslands til barneigna og hvernig barneignaáformum og barneignum þeirra er háttað. Tilgangurinn er að öðlast skilning á hugmyndum þeirra um barneignir og komast að því hversu hátt hlutfall nemenda er foreldri. Rannsóknin var gerð með megindlegri aðferð og var framkvæmd haustið 2014. Rafrænn spurningalisti var lagður fyrir nemendur á öllum fræðasviðum Háskóla Íslands þar sem spurt var um viðhorf til ákjósanlegs barnafjölda, ákjósanlegs aldur karla og kvenna við fæðingu fyrsta barns og viðhorf til barnleysis. Barnlausir nemendur áttu þess jafnframt kost að svara spurningum um mikilvægi tíu forsenda barneigna og mikilvægi barneigna í framtíðinni, og foreldrar svöruðu spurningum um eigin barneignir. Þátttakendur voru 634 talsins, 71% konur og 29% karlar. Helstu niðurstöður rannsóknarinnar eru þær að nemendur hafa áþekk viðhorf til barneigna. Flestir vilja eignast börn, helst þrjú, og virðast barneignir vera taldar mikilvægur hluti af lífinu. Nemendur eru þó jákvæðir í garð fjölbreyttra fjölskyldugerða, sem sést helst á jákvæðu viðhorfi til barnleysis og barneigna utan hjónabands. Fæstir þeirra kjósa hins vegar barnlaust líf. Meirihluti nemenda á fyrsta ári í grunnnámi er barnlaus en hlutfall foreldra á fyrsta ári er þó töluvert hærra en í öðrum löndum Evrópu. Það gefur vísbendingu um að auðveldara sé að samþætta nám og barnauppeldi hérlendis, miðað við annars staðar í Evrópu. Niðurstöðurnar benda til þess að ungir, barnlausir háskólanemar vilji seinka barneignum sínum þangað til ákveðnum stöðugleika í lífinu er náð. Frekari rannsókna er þörf á því hvers vegna þessi stöðugleiki er talinn mikilvægur, ásamt því að skoða þekkingu ungs fólks á áhrifum þess að seinka barneignum.

  • Útdráttur er á ensku

    The objective of this study is to explore first year undergraduate students’ attitude towards childbearing and their fertility intentions within the University of Iceland. The study will also gain an understanding of students’ ideas on childbearing and discover the ratio of students that are parents. The study was carried out in the fall of 2014, with a quantitative method. An online questionnaire was used to collect answers from students within all five schools of the University of Iceland. The questions asked about attitude towards ideal number of children, ideal age for women and men to have their first child, and their attitude towards childlessness. Childless students also evaluated ten prerequisites for having children and the importance of having children in the future. Parents answered questions about their own childbirths. Participants were 634 in total, 71% women and 29% men. The main findings are that students have similar attitudes towards childbearing. The majority wants to have children, preferably three; therefore, having children seems to be considered an important part of life. Students have a positive opinion on diverse families, which can be seen in their positive attitude towards childlessness and having children out of wedlock. At the same time, only a few students choose a childless life. Most students don’t have children. The ratio of parents is significantly higher than elsewhere in Europe which indicates that it’s easier to integrate studies and the upbringing of children in Iceland than in other European countries. The findings suggest that young childless students want to postpone having children until they obtain a certain stability in life. Further research is needed to understand why this stability is considered necessary, and to see if young people understand how delaying having children can affect their fertility.

Samþykkt: 
  • 21.11.2014
URI: 
  • http://hdl.handle.net/1946/20057


Skrár
Skráarnafn Stærð AðgangurLýsingSkráartegund 
Anna Elisa - des2014.pdf1.1 MBOpinnHeildartextiPDFSkoða/Opna