Stærðfræði í lífi ungra barna

Abstract

Markmiðið með ritgerðinni er að hún gagnist foreldrum og forráðamönnum sem vilja hafa góð áhrif á stærðfræðilegan þroska barna sinna. Lögð er áhersla á 0-6 ára aldurinn. Rætt verður um hvernig talnaskilningur eykst, hvers vegna hugtakanotkun sé mikilvæg og hvernig umhverfið hefur áhrif á stærðfræðiþroska. Þá koma fram hugmyndir að viðfangsefnum sem hægt er að vinna með í nánasta umhverfi barnanna og skilgreining á því hvers vegna þessar hugmyndir geti komið að góðum notum. Með verkefninu fylgir svokallaður hugmyndabanki með þroskandi leikjum og athöfnum sem börnum og foreldrum eða forráðamönnum gæti þótt skemmtilegt að taka þátt í saman. Í hugmyndabankanum er að finna leiki úr ýmsum áttum sem safnað hefur verið saman yfir námsferil höfundar. Leikirnir eru allir auðveldir í framkvæmd og flestir þeirra krefjast lítillar fyrirhafnar.