en English is Íslenska

Thesis University of Iceland > Menntavísindasvið > Meistaraprófsritgerðir - Menntavísindasvið >

Please use this identifier to cite or link to this item: http://hdl.handle.net/1946/2013

Title: 
  • Title is in Icelandic „Bók í hönd og þér halda engin bönd“ : að efla mál- og læsisþroska leikskólabarna með lestri bóka
Abstract: 
  • Abstract is in Icelandic

    Þessi ritgerð fjallar um mál- og læsisþroska leikskólabarna, hvers vegna mikilvægt er að efla þann þroska á þessu skólastigi og á hvern hátt það verður best gert ef marka má rannsóknir. Gerð var heimildarannsókn á því hvað sérfræðingar á þessu sviði hafa rannsakað og skrifað um mál- og læsisþroska barna á undanförnum árum. Í þeirri rannsóknarvinnu var sérstaklega litið til orðaforða, frásagnarhæfni og hlustunarskilnings. Einnig var skoðað hvaða gildi bókalestur hefur fyrir mál- og læsisþroska barna og hlutverk bóka í leikskólastarfi. Lagðar voru fram eftirfarandi rannsóknarspurningar: Hvers vegna er mikilvægt að efla orðaforða, frásagnarhæfni og hlustunarskilning barna á aldrinum 4-6 ára? Hvaða aðferðir hafa, samkvæmt rannsóknum, verið árangursríkar við að efla þessa þætti?
    Niðurstöður þessarar rannsóknarvinnu gefa til kynna að orðaforði, frásagnarhæfni og hlustunarskilningur gegni mikilvægu hlutverki fyrir mál- og læsisþroska barna. Að góð færni í þessum þáttum geti haft afgerandi áhrif til góðs fyrir lesskilning og þar af leiðandi velgengni í námi síðar meir. Jafnframt kom í ljós að bókalestur fyrir börn hefur jákvæð áhrif á mál- og læsisþroska þeirra og að lestrar- og samræðustíll leikskólakennara, þegar þeir lesa fyrir börn, skiptir þar máli.
    Í framhaldi af fræðilegri úttekt á mál- og læsisþroska er byggt upp þróunarverkefni fyrir leikskóla. Markmiðið með verkefninu er að efla orðaforða, frásagnarhæfni og hlustunarskilning leikskólabarna á aldrinum 4-6 ára með lestri bóka. Til þess að auka orðaforða á markvissan hátt verður unnið eftir sérstakri kennsluaðferð sem nefnist Orðaspjalls-aðferðin (Text talk). Samhliða henni er lögð áhersla á að nota bókalestur til þess að efla frásagnarhæfni og hlustunarskilning með auknum samræðum og markvissum lestrarstíl þegar lesið er fyrir börn.
    Lykilorð: Mál- og læsisþroski leikskólabarna, orðaforði, frásagnarhæfni, hlustunarskilningur, bókalestur, orðakennsluaðferð, þróunarverkefni

Description: 
  • Description is in Icelandic M.Ed. í menntunarfræði
Accepted: 
  • Nov 21, 2008
URI: 
  • http://hdl.handle.net/1946/2013


Files in This Item:
Filename Size VisibilityDescriptionFormat 
Bók í hönd og þér halda engin bönd - Að efla mál- og læsisþroska leikskólabarna með lestri bóka.pdf561.89 kBLockedHeildartextiPDF