is Íslenska en English

Lokaverkefni Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2015

Titill: 
  • Aðferðir við þjálfun og kennslu barna með einhverfu í grunnskólum
Útdráttur: 
  • Talið er mikilvægt að nota heildstæðar áætlanir og sannreyndar aðferðir við kennslu og þjálfun barna með einhverfu. Starfsmenn sem sinna börnum með einhverfu gegna lykilhlutverki við að innleiða notkun á sannreyndum aðferðum. Tilgangur rannsóknarinnar var að afla upplýsinga um hvaða þjálfunar- og kennsluaðferðir væru notaðar fyrir börn með einhverfu í grunnskólum á Íslandi. Upplýsinga var aflað með því að fylla út spurningalista í símaviðtali og aðferðir megindlegarar aðferðafræði nýttar við úrvinnslu. Spurningalistinn innihélt spurningar um notkun heildstæðra áætlana og annarra aðferða sem þekktar eru við þjálfun og kennslu barna með einhverfu. Rannsóknin byggir á svörum17 starfsmanna í grunnskólum (þroskaþjálfa, kennara og stuðningsfulltrúa). Starfsmennirnir sinntu 94% (N=18) barna með einhverfu sem fædd voru árið 2001 og voru í 1. bekk grunnskóla skólaárið 2007–2008.
    Niðurstöður sýndu að enginn þátttakandi notaði eina heildstæða áætlun við þjálfun og kennslu, allir notuðu blandaðar aðferðir. Flestir þátttakendur notuðu skipulagða kennslu og sjónrænar vísbendingar sem aðalaðferð. Flestar aðferðir sem þátttakendur notuðu, byggðu á veikum vísindalegum grunni. Þátttakendur skorti þekkingu á sannreyndum aðferðum og áhrifaríkum leiðum til að meta árangur þeirra aðferða sem þeir notuðu við þjálfun og kennslu. Niðurstöður gefa til kynna að þörf er á meiri þjálfun, ráðgjöf og eftirfylgd til þeirra sem sinna þjálfun og kennslu barna með einhverfu. Með markvissri uppbyggingu á þekkingu má auka möguleika á skipulegri og áhrifaríkri notkun á sannreyndum aðferðum.
    Lykilorð: Sannreyndar aðferðir.

Athugasemdir: 
  • M.A. í þroskaþjálfafræði
Samþykkt: 
  • 21.11.2008
URI: 
  • http://hdl.handle.net/1946/2015


Skrár
Skráarnafn Stærð AðgangurLýsingSkráartegund 
Gudny Stefansdottir MA verkefni.pdf8.88 MBOpinnHeildartextiPDFSkoða/Opna
Leidbeiningar um vidurkennt verklag, fylgir MA verkefni G.St.pdf1.5 MBOpinnLeiðbeiningar um viðurkennt verklag PDFSkoða/Opna