is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20163

Titill: 
  • „Vélakaup skal að vettugi hafa.“ 33. gr. laga nr. 7/1936 um samningsgerð, umboð og ógilda löggerninga með hliðsjón af 36. gr. sömu laga
Námsstig: 
  • Bakkalár
Útdráttur: 
  • Meginviðfangsefni þessarar ritgerðar er 33. gr. laga nr. 7/1936 um samningsgerð, umboð og ógilda löggerninga (hér eftir sml.) sem kveður á um ógildingu samninga vegna óheiðarleika og er ein af undantekningum meginreglna samningaréttar um skuldbindingargildi samninga og samningsfrelsi. Ákvæðið er víðtækt og matskennt en frá gildistöku þess árið 1936 hefur Hæstiréttur aðeins fallist á beitingu þess í nokkrum dómum.
    Markmiðið með ritgerð þessari er að skoða ákvæði 33. gr. sml. og kanna hvort beiting þess hafi breyst í tímans rás. Með breytingu á samningalögunum árið 1986 var ákvæði sem svipar til 33. gr. sml. lögfest. Það er 36. gr. sml. sem kveður á um að samning megi ógilda eða víkja til hliðar ef hann er ósanngjarn eða í andstæðu við góða viðskiptahætti. Vegna líkinda ákvæðanna er áhugavert að bera þau saman og kanna hvort lögfesting 36. gr. sml. hafi haft áhrif á 33. gr. sml.
    Í upphafi verður farið stuttlega yfir sögu samningalaga, meginreglur samningaréttar og undantekningar frá þeim. Í meginkafla ritgerðarinnar verður horft sérstaklega til 33. gr. sml. Í framhaldi af því verður farið yfir ákvæði 36. gr. sml. og ákvæðin tvö borin saman. Síðan verður sjónum beint að dómaframkvæmd Hæstaréttar hvað 33. gr. sml. varðar. Þeirri umfjöllun verður skipt í tvennt, annars vegar dómaframkvæmd 33. gr. sml. fyrir 1986 og hins vegar eftir þann tíma, þ.e.a.s. eftir lögfestingu 36. gr. sml. Í framhaldi af umfjöllun um dómaframkvæmd verður tekin afstaða til stöðu 33. gr. sml. eftir lögfestingu 36. gr. laganna og leitast við að varpa ljósi á það hvort beiting 33. gr. sml. hafi breyst í tímans rás. Að lokum verða niðurstöður dregnar saman.

Samþykkt: 
  • 15.12.2014
URI: 
  • http://hdl.handle.net/1946/20163


Skrár
Skráarnafn Stærð AðgangurLýsingSkráartegund 
BA-ritgerd-A.B.I.-skemman.pdf513.58 kBOpinnHeildartextiPDFSkoða/Opna