en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/20181

Title: 
  • Title is in Icelandic Um efnahagslögsöguna og réttindi og skyldur strandríkja
  • The exclusive economic zone and the rights and duties of costal states
Degree: 
  • Master's
Abstract: 
  • Abstract is in Icelandic

    Efnahagslögsagan er ekki ýkja gamalt fyrirbæri en tilkoma hennar hafði gríðarlega mikil áhrif á þróun nútíma hafréttar. Réttarstöðu efnahagslögsögunnar má lýsa sem einhverskonar blöndu af landhelginni og úthafinu, en er þó sérstaks eðlis. Strandríkin njóta ekki fullveldisréttar innan efnahagslögsögunnar en hins vegar njóta þau víðtækra réttinda til nýtingar náttúruauðlinda. Hér er um afar mikilvæg réttindi að ræða en um 90% af öllum fiski sem veiddur er í heiminum veiðist innan efnahagslögsögunnar. Strandríkin njóta einnig mikilsverðra réttinda yfir þeim gas- og olíulindum sem er að finna undir hafsbotninum í efnahagslögsögunni. Þrátt fyrir þessi víðtæku réttindi strandríkjanna njóta önnur ríki þó enn nokkurra réttinda í efnahagslögsögunni.
    Markmið þessarar ritgerðar er að skýra hvað felst í efnahagslögsögu með því að fjalla á skýran og aðgengilegan hátt annars vegar um réttindi og skyldur strandríkja innan efnahagslögsögunnar og hins vegar um þau réttindi sem erlendum ríkjum eru þar veitt. Ritgerðinni er því ætlað að vera nokkurs konar yfirlitsrit um það.
    Fjallað er um sögulega þróun efnahagslögsögunnar á alþjóðavettvangi en setning efnahagslögsögunnar markaði þáttaskil í nútíma hafrétti. Sérstaklega er þar fjallað um hina merku þróun á efnahagslögsögu Íslands en mikil sókn erlendra fiskiskipa á Íslandsmið leiddi til harðra lagadeilna við erlend ríki.
    Fjallað er um afmörkun efnahagslögsögunnar milli aðlægra eða mótlægra ríkja og þær reglur Hafréttarsáttmálans sem um efnið gilda og hvernig þeim hefur verið beitt í réttarframkvæmd.
    Í ritgerðinni er svo fjallað um réttindi og skyldur strandríkja innan efnahagslögsögunnar og lýst þeim víðtæku réttindum sem strandríkjum er þar veitt yfir náttúruauðlindum en svo er fjallað um þau réttindi og skyldur sem erlend ríki njóta innan efnahagslögsögunnar og samband þeirra við réttindi strandríkjanna.
    Fiskveiðiréttindi strandríkja innan efnahagslögsögunnar eru sérstaklega tekin til umfjöllunar, en þessi réttindi eru fiskveiðiþjóðum eins og Íslandi sérstaklega mikilvæg. Fjallað er um þær meginreglur sem Hafréttarsáttmálinn kveður á um ásamt þeim sérreglum sem um tiltekna fiskstofna gilda. Þar er enn fremur fjallað um fiskveiðar erlendra ríkja innan efnahagslögsögunnar.
    Að endingu er fjallað um lausn deilumála er varða efnahagslögsöguna.

Accepted: 
  • Dec 18, 2014
URI: 
  • http://hdl.handle.net/1946/20181


Files in This Item:
Filename Size VisibilityDescriptionFormat 
Efnahagslögsagan.pdf1.11 MBOpenMeginmálPDFView/Open
Forsíða.pdf161.52 kBOpenForsíðaPDFView/Open