en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/20211

Title: 
  • Title is in Icelandic Hver er ábyrgur? Hugtökin ábyrgðar- og vinnsluaðili samkvæmt lögum um persónuvernd og meðferð persónuupplýsinga
Degree: 
  • Master's
Abstract: 
  • Abstract is in Icelandic

    Ritgerðin fjallar um hugtökin ábyrgðaraðili og vinnsluaðili sem eru meðal grundvallarhugtaka laga nr. 77/2000 um persónuvernd og meðferð persónuupplýsinga. Hugtökin greina á milli þeirra aðila sem bera ábyrgð á vinnslu persónuupplýsinga (þ.e. ábyrgðaraðila) og þeirra sem einungis framkvæma vinnslu eftir fyrirmælum þeirra sem bera á henni ábyrgð (þ.e. vinnsluaðila). Með aukinni þróun í upplýsingatækni og flóknara umhverfi persónuupplýsingavinnslu hefur reynst erfiðara að greina á milli ábyrgðar- og vinnsluaðilahugtakanna. Markmið þessarar ritgerðar er að varpa ljósi á hugtök þessi og afmarka þau með nánari hætti.
    Fjallað er um uppsprettu hugmyndarinnar um vernd persónuupplýsinga og þá löggjöf sem um hana gildir, bæði að Evrópurétti og íslenskum rétti. Fjallað er um hvert hugtak fyrir sig og gerð grein fyrir skilgreiningu þeirra. Hugtökin eiga rætur að rekja til tilskipunar 95/46/EB og er því horft til hennar við afmörkun þeirra. Þá er fjallað um skyldur beggja aðila samkvæmt ákvæðum laga nr. 77/2000. Vikið er að raunhæfum dæmum þar sem reynt hefur sérstaklega á afmörkun hugtakanna tveggja. Einkum er vikið að tölvuskýjaþjónustu (e. cloud computing services) og notkun samfélagsmiðla. Sjötti kafli ritgerðarinnar er tileinkaður vinnslu persónuupplýsinga á samfélagsmiðlum, en slík vinnsla hefur vakið sérstaka athygli vegna þess hlutverks sem einstaklingar fara með við framkvæmd hennar, þ.e. að deila þar upplýsingum um sjálfa sig og aðra. Samfélagsmiðlar eru orðnir hluti af daglegu lífi flestra og er þar unnið með gríðarlegt magn persónuupplýsinga á degi hverjum. Það er því áhugavert að kanna beitingu persónuupplýsingalöggjafar við slíkar aðstæður og hver gegni hlutverki ábyrgðar- og vinnsluaðila.
    Loks er gerð grein fyrir fyrirhugaðri breytingu á persónuupplýsingalöggjöf Evrópusambandsins og hvaða þýðingu hún getur haft fyrir ábyrgðar- og vinnsluaðilahugtökin.

Accepted: 
  • Jan 5, 2015
URI: 
  • http://hdl.handle.net/1946/20211


Files in This Item:
Filename Size VisibilityDescriptionFormat 
FINAL_FORSÍÐA.pdf164.15 kBOpenForsíðaPDFView/Open
FINAL_SKILAEINTAK.pdf905.14 kBOpenHeildartextiPDFView/Open