Skólahald í Húnaþingi vestra 1930-60 : samanburður á farskóla og heimangönguskóla í þremur hreppum í Húnaþingi vestra

Abstract

Í verkefninu er skoðað hvort einhver munur hafi verið á farskóla og heimangönguskóla á árunum 1930-1960 í annars vegar Þorkelshóls- og Þverárhreppum og hinsvegar Barnaskólanum á Hvammstanga sem var heimangönguskóli. Tekin voru viðtöl við fjóra fyrrum nemendur skólanna og þeir spurðir út í skólahaldið. Niðurstöður eru þær meðal annars að farskólahald var mun lengur við lýði en lög kváðu á um, og enginn af ofangreindum skólum gat að fullu uppfyllt fræðsluskyldu sem lög frá 1946 kváðu á um, þ.e. um fræðsluskyldu 7-15 barna. Annað er það að munur á aðstöðu skólabarna var töluverður. Helsta niðurstaðan er þó sú að umtalsverður munur reyndist á skólahaldi milli þéttbýlis og dreifbýlis, einkum hvað varðar lengd kennsluársins, þ.e. hversu mikla kennslu börnin fengu á þessum árum.