is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20289

Titill: 
  • „Þú byrjar ekki í Nova án þess að fara í Nova skólann.“ Mat á árangri Nova skólans
Námsstig: 
  • Meistara
Útdráttur: 
  • Tilgangur þessarar rannsóknar er að skoða og meta Nova skólann sem er tveggja vikna nýliðafræðsla á vegum Nova. Allir nýir starfsmenn sem hefja störf hjá Nova þurfa að þreyta nám í Nova skólanum áður en þeir hefja formleg störf. Í Nova skólanum eru fjölbreytt námskeið þar sem nýliðum er kennt á þá verkferla og vinnuaðferðir sem notast er við við störf hjá Nova. Sýnt hefur verið fram á mikilvægi nýliðaþjálfunar nýrra starfsmanna fyrirtækja svo að starfsmennirnir viti til hvers er ætlast af þeim í starfi auk þess sem slík þjálfun dregur úr starfsmannaveltu. Megin markmið rannsóknarinnar er að meta hvað Nova skólinn sé að gera vel, hvað betur megi fara og hvort Nova skólinn sé að skila þeim árangri sem ætlast er til af honum, þ.e. að búa nýja starfsmenn undir störf hjá Nova.
    Notast var við eigindlega rannsóknaraðferð þar sem tekin voru viðtöl við sex nýliða sem þreytt höfðu nám í Nova skólanum í ágústmánuði 2014. Einnig var stuðst við eitt rýnihópaviðtal sem tekið var við fimm þjálfara sem sáu um að þjálfa nýliða í störf hjá Nova á meðan á nýliðafræðslunni stóð. Markmiðið var að draga fram sjónarhorn og viðhorf þátttakenda á rannsóknarefninu.
    Niðurstöður rannsóknarinnar leiddu í ljós að nýliðarnir sem og þjálfarar eru afar ánægðir með Nova skólann í heild sinni en þó er ýmislegt hægt að bæta. Niðurstöðurnar sýndu fram á að auka þurfi starfsþjálfun nýliðanna, þ.e. minnka bóklegt nám og auka við starfsþjálfun. Auk þess eru einkum tvö námskeið sem þarf að huga betur að í Nova skólanum. Í ljós kom að nýliðar töldu sig vera nokkuð vel undirbúna til að hefja formleg störf að loknum Nova skólanum en þjálfararnir töldu hins vegar að nýliðarnir væru ekki jafn tilbúnir. Ekki er gott að vita hver ástæðan fyrir því sé en höfundur bendir á að það þurfi að meta árangur Nova skólans með markvissum hætti því eins og staðan er í dag er ekkert mat lagt á skólann í heild sinni.

Athugasemdir: 
  • Athugasemdir er á óskilgreindu tungumáli Viðskiptafræðideild hefur samþykkt að aðgangi að þessari ritgerð skuli lokað í fjögur ár.
Samþykkt: 
  • 8.1.2015
URI: 
  • http://hdl.handle.net/1946/20289


Skrár
Skráarnafn Stærð AðgangurLýsingSkráartegund 
MS-ritgerð-Salvör Valbjörnsdóttir.pdf755.96 kBOpinnHeildartextiPDFSkoða/Opna