Ávinningur fjölda íþróttagreina á barnsaldri : fræðileg umfjöllun og hagnýtar upplýsingar

Abstract

Markmið rannsóknarinnar er að skoða hvort að samband sé á milli fjölda íþróttagreina sem stundaðar voru á barnsaldri og árangurs í íþróttum almennt. Notuð var megindleg aðferðafræði þar sem nemendur í tveimur framhaldskólum svöruðu spurningalista sem innihélt ellefu spurningar sem tengdust viðfangsefni rannsóknarinnar. Helstu niðurstöður voru þær að til þess að árangur náist í íþróttum á fullorðinsárum virðist betra að vera í fleiri en einni íþróttagrein. Mun fleiri einstakingar stunda íþróttir í skólum þar sem bekkjarkerfi er og stunda þeir iðju sína oftast 3-4 sinnum í viku. Þá virðist áhugaleysi vera ein stærsta orsök þess að börn og unglingar hætti í íþróttum. Eins og búast mátti við eru knattspyrna og handknattleikur vinsælustu íþróttirnar og einnig er algengt að nemendur sem að eru komnir í menntaskóla stundi líkamsrækt af einhverju tagi sem að er mjög jákvætt.