en English is Íslenska

Thesis (Bachelor's)

University of Iceland > Hugvísindasvið > B.A. verkefni - Hugvísindasvið >

Please use this identifier to cite or link to this item: http://hdl.handle.net/1946/20394

Title: 
  • Title is in Spanish Expresión mediante aerosol. Graffiti político en la frontera de los Estados Unidos y México
Degree: 
  • Bachelor's
Abstract: 
  • Abstract is in Icelandic

    Á landamærum Bandaríkjanna og Mexíkó hefur veggjakrot, einnig nefnt graffíti, oft komið fram sem pólitísk gagnrýni á samfélagið. Þessi ritgerð fjallar um birtingarmynd þess á landamærasvæðinu og áhrif samfélagsins á sköpun veggjakrots. Umrætt landamærasvæði er skilgreint sem um það bil 100 km svæði frá sjálfum landamærunum til norðurs og suðurs.
    Fyrst er fjallað stuttlega um sögu veggjakrots. Farið er yfir hvernig það hefur þróast í gegnum tíðina, helstu áhrifavalda og útbreiðslu þess á milli borga. Einnig eru helstu tegundir og almenn skilgreining á veggjakroti útskýrð. Veggjakrot beggja megin við landamærin er skoðað, Bandaríkjamegin er það einungis skoðað á meðal einstaklinga af mexíkóskum uppruna, svonefndra chicanóa. Þar sem chicanóar búa á víð og dreif um Bandaríkin er litið aðeins út fyrir fyrrnefnt landamærasvæði. Farið er yfir þau áhrif sem hin svokallaða chicanóhreyfing hafði á veggjakrot og hvernig því hefur verið beitt í mótmælaskyni á seinustu áratugum. Á landamærasvæðinu í Mexíkó er veggjakrot í borgunum Tijuana og Nogales sérstaklega tekið fyrir, bæði á veggjum bygginga borgarinnar sem og á sjálfum landamæraveggnum sem aðskilur löndin. Algengt er að þeir sem búa við landamærin séu dæmdir af öðrum íbúum Mexíkó þar sem þeir eru taldir vera undir of miklum áhrifum af bandarískum menningarheimi, ekki “fullgildir” mexíkóar og verða því fyrir ákveðinni útskúfun. Fjallað er um áhrifin af þessari samfélagslegu afneitun og hvernig þau birtast í formi veggjakrots. Þá er einnig rýnt í ástæður þess að konur nota veggjakrot minna en karlmenn sem tjáningarfom og af hverju þær eru minna áberandi í heimi veggjakrotsins. Farið er stuttlega yfir þróun veggjakrots á meðal kvenna og litið nánar á verk þeirra kvenkrotara sem mest eru áberandi í listinni. Að lokum er skoðun samfélagsins á veggjakroti rannsökuð þar sem það er oftar en ekki ólöglegt og litið hornauga af samfélaginu. Farið er yfir bæði löglegt og ólöglegt veggjakrot og hvernig samfélagið hefur brugðist við miklum vinsældum þess.

Accepted: 
  • Jan 20, 2015
URI: 
  • http://hdl.handle.net/1946/20394


Files in This Item:
Filename Size VisibilityDescriptionFormat 
Graffiti.pdf5.54 MBOpenHeildartextiPDFView/Open