Hönnun á tveggja hæða fjárflutningavagni

Abstract

Markmið þessa verkefnis var að hanna eftirvagn aftan í traktor sem hægt væri að nota til flutninga á sauðfé. Vagninn var hannaður og teiknaður í forritinu Autodesk Inventor og var hann hafður á tveimur hæðum með palllengd upp á um 10 metra. Einnig var hann hafður grindarlaus þannig að prófílar í hliðum vagnsins, milli efri og neðri hæðarinnar, bera hann uppi. Gerðir voru umfangsmiklir útreikningar á þeim hlutum sem hannaðir voru auk þess sem burðarþolsgreiningar voru gerðar á ýmsum hlutum vagnsins í þar til gerðum forritum. Einnig var skoðað hvernig fjöðrunar og hjólabúnaður myndi henta undir vagninn og voru eiginleikar vökvafjöðrunar skoðaðir sérstaklega. Jafnframt voru valdir íhlutir í vagninn og gerð kostnaðaráætlun fyrir smíði hans.Þrátt fyrir að vagninn sé grindarlaus er áætlað að hann sé um 4350 kg að eiginþyngd en engu að síður ætti hann að vera nægjanlega sterkbyggður til að hægt sé að nota hann við krefjandi aðstæður.