Stöðuumboð á grundvelli 2. mgr. 10. gr. laga nr. 7/1936 um samningsgerð, umboð og ógilda löggerninga og heimild umboðsmanns á grundvelli stöðuumboðs

Abstract

Í lokaverkefni þessu verður leitast við að skýra frá megineinkennum stöðuumboðs. Í upphafi verður farið stuttlega yfir setningu samningalaga og hvernig venjuréttur kemur inn í samningalögin. Skilgreint verður stuttlega hvað felst í milligöngu við samningsgerð og lauslega greint frá helstu tegundum umboða. Aðal áhersla verður lögð á stöðuumboð og hvað felst í hugtakinu stöðuumboð. Fjallað er stuttlega um rýmkun á hugtakinu stöðuumboð í dómaframkvæmd í Danmörku og velt er upp spurningunni hvort að íslenskir dómstólar séu farnir að líta til atferlisumboðs í dómaframkvæmd sinni. Einnig verður farið yfir þær reglur sem gilda um umboðsmenn þegar kemur að stöðuumboði og skaðabótaábyrgð umboðsmanna ef þeir fara út fyrir umboð sitt.