is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2055

Titill: 
  • Hnífar eru drjúgir til afþreyingar
Námsstig: 
  • Bakkalár
Útdráttur: 
  • Í þessu verki fjalla ég um sögu handverksins og hvernig heimilisiðnaðurinn
    hefur verið einn meginþátturinn í lífi fyrri kynslóða. Ég greini frá viðbrögðum fólks
    við vélvæðingu nágrannalandanna þegar því fannst verkkunnátta fyrri kynslóða vera
    að glatast. Ég færi rök fyrir því hversu mikilvægt er að viðhalda verkkunnáttunni með
    því að kenna menningartengdan heimilisiðnað í félags- og skólastarfi, þar sem
    nemendur læra um menningu þjóðar í gegnum samspil hugar og handa, samhliða
    öðrum námsgreinum. Með auknum skilningi verði námið bæði auðveldara og
    áhugaverðara og því minni hætta á að tengslin við ræturnar rofni.
    Ég bendi á ofangreindu til stuðnings að í gegnum tíðina hafi í Aðalnámskrá
    Grunnskóla verið sagt að færni og skilningur sé undirstaða allrar verkmenningar í
    sérhæfðu nútímasamfélagi og að þráðarmenningin hvíli á árþúsundaþróun og
    rótgrónum hefðum. Af þessu má ætla að handverkskennsla sé ekki lakari
    undirbúningur undir lífið en önnur fög þó hún sé samt sem áður almennt kölluð
    aukanámsgrein. Jafnframt segir í aðalnámskránni að textílmennt sé uppspretta gleði
    og lífsfyllingar fyrir einstaklinginn. Við sjáum að gripið hefur verið til handverksins
    sem úrræðis þegar allt annað bregst. Ég tel að ef þjóðin leggði meiri áherslu á að
    rækta og viðhalda sköpunarkrafti heimilisiðnaðarins og vaknaði til vitundar um
    heilunarmátt þess að geta búið sér til nytjamuni að eigin óskum yrði handverkið metið
    til jafns við aðrar námsgreinar.
    Loks skoðaði ég það sem Svíar hafa haft fram að færa á þessu sviði, hvernig
    þeir hafa nýtt sér heimilisiðnaðinn, annars vegar sem eðlilegan og nauðsynlegan þátt í
    að viðhalda sinni þjóðarmenningu og hins vegar sem tómstundir fyrir börn og
    unglinga.

Samþykkt: 
  • 23.2.2009
URI: 
  • http://hdl.handle.net/1946/2055


Skrár
Skráarnafn Stærð AðgangurLýsingSkráartegund 
Hnífar eru drjúgir til afþreyingar, ritgerð.pdf285.56 kBOpinnHnífar eru drjúgir til afþreyingar - heildPDFSkoða/Opna