Starfslýsingar íþróttafélaga

Abstract

Markmið þessarar ritgerðar er að kanna hvort íþróttafélögin Snæfell og Skallagrímur styðjist við eða séu með fyrirliggjandi starfslýsingar þegar þau ráða inn þjálfara og aðra starfsmenn. Áhersla er lögð á körfuknattleiksdeildir félagana. Settar voru upp tvær rannsóknaspurningar í byrjun. Rannsakandi studdist við fræðilegar heimildir um félögin þar sem ekki var að finna eldri rannsóknir varðandi starfslýsingar íþróttafélaga. Tekin voru tvö eigindleg viðtöl, eitt við starfsmann körfuknattleiksdeildar Skallagríms og eitt við starfsmann körfuknattleiksdeildar Snæfells. Þá var megindleg könnun send út í formi spurningakönnunar til þjálfara fjögurra deilda sem áætlað var að kanna. Helstu niðurstöður rannsóknarinnar sýna að bæði félögin styðjast að einhverju leiti við starfslýsingar en þó ekki allar deildirnar. Körfuknattleiksdeild Snæfells er langt komin með að þróa og vinna samkvæmt kennsluskrám sem og að hafa mannauðsmálin skilgreind. Þar eru starfslýsingar til staðar þegar ráðnir eru nýir þjálfarar sem og starfsmenn. Ungmennafélagið Skallagrímur sýndi fram á lakari niðurstöður varðandi starfslýsingar þar sem nánast flestir af þeim sem svöruðu spurningarkönnuninni sögðust ekki hafa fengið starfslýsingu þegar ráðið var í þjálfarastöður. Marktækan mun mátti sjá á svörum starfsmanna körfuknattleiksdeildanna varðandi ánægju í starfi þar sem stafsmaðurinn með fyrirliggjandi starfslýsingu er ánægðri í sínu starfi heldur en starfsmaðurinn sem hefur enga starfslýsingu að styðjast við.