Vænt arðsemi af viðskiptahugmynd vegna fólksflutninga á milli Ólafsfjarðar og Grímseyjar

Abstract

Ferðaþjónustuaðilar við utanverðan Tröllskaga hafa verið að velta því fyrir sér hvernig stoppa megi ferðmenn víðar en eingöngu á Siglufirði. Það er mikið „rennirí“ í gegnum Dalvík og Ólafsfjörð, en vantað hefur uppá að ferðamaðurinn stoppi á þessum stöðum og njóti þeirrar upplifunar sem þar er boðið uppá. Í þessu sambandi kom upp hugmynd um að bjóða uppá dagsferðir til Grímseyjar frá Ólafsfirði með ferju sem yrði rúmlega 1 klukkustund á milli lands og eyjar. Það er niðurstaða verkefnisins að arðsemi ferjurekstur yfir sumarmánuðina milli Ólafsfjarðar og Grímseyjar geti verið arðsamur.