en English is Íslenska

Thesis University of Akureyri > Heilbrigðisvísindasvið > B.S. verkefni >

Please use this identifier to cite or link to this item: http://hdl.handle.net/1946/207

Title: 
  • Title is in Icelandic Þetta situr ennþá í mér : upplifun foreldra barna sem dvalið hafa á gjörgæsludeild
Abstract: 
  • Abstract is in Icelandic

    Tilgangur rannsóknarinnar var að kanna og lýsa upplifun foreldra barna sem hafa dvalið á gjörgæsludeild. Markmiðið var að kanna upplifun foreldra af aðstæðum, hvernig viðmót starfsfólks væri og hvaða stuðningur væri í boði.
    Rannsóknarspurning okkar var:
    - ,,Hver er upplifun foreldra barna sem hafa dvalið á gjörgæsludeild?”
    Við gerð rannsóknarinnar var notast við eigindlega rannsóknaraðferð sem nefnist Vancouver skólinn í fyrirbærafræði. Rannsókn í fyrirbærafræði lýsir upplifunum fólks af atburðum eða lífsreynslu út frá heildrænu sjónarmiði. Þátttakendur voru sex foreldrar fjögurra barna sem dvalið höfðu á gjörgæsludeild á árunum 2002-2003. Tekin voru tvö viðtöl við hverja foreldra og þau greind í fjögur meginþemu sem lýstu upplifun þeirra.
    Helstu niðurstöður voru að meðan á gjörgæsludvölinni stóð snérist allt líf foreldranna um barnið sem var veikt eða slasað. Þeim fannst mikilvægt að geta verið hjá barninu og taka þátt í umönnun þess. Einnig kom í ljós að reynslan situr ennþá í foreldrunum og hún rifjast upp fyrir þeim við að sjá eða heyra eitthvað sem minnir á hana. Það var foreldrum viss léttir að barn þeirra væri komið undir læknishendur en þeir höfðu jafnframt áhyggjur af afdrifum þess. Foreldrar upplifðu öryggi á gjörgæsludeildinni og fannst þeim starfsfólk vera faglega fært og sýna barni þeirra umhyggju og virðingu. Það var því erfitt skref fyrir þá þegar barn þeirra útskrifaðist yfir á barnadeild þótt þeir gleddust yfir framförum þess. Eitt af því sem sumum foreldrum fannst erfitt á gjörgæsludeildinni var hversu mikil nálægð var við aðra skjólstæðinga deildarinnar, bæði sjúklinga og aðra aðstandendur, og það sem þeir voru að ganga í gegnum.
    Niðurstöður rannsóknarinnar samræmast nokkuð vel niðurstöðum erlendra rannsókna um þetta efni. Undantekningar eru þó nálægðin sem foreldrarnir upplifðu við aðra aðstandendur og það hversu mikið reynslan situr ennþá í þeim. Rannsókn sem þessi ætti að geta nýst til að bæta þjónustu við foreldra og aðra aðstandendur á gjörgæsludeild.
    Lykilhugtök: Foreldrar, upplifun, þarfir, gjörgæsludeild, fyrirbærafræði.

Accepted: 
  • Jan 1, 2004
URI: 
  • URI is in Icelandic http://hdl.handle.net/1946/207


Files in This Item:
Filename Size VisibilityDescriptionFormat 
situr.pdf1.71 MBOpenÞetta situr ennþá í mér - heildPDFView/Open