is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20764

Titill: 
  • Samningar um launakjör andstæðir lögum nr. 10/2008 um jafna stöðu og jafnan rétt kvenna og karla
Námsstig: 
  • Bakkalár
Útdráttur: 
  • Stefna löggjafans hér á landi er sú að jafna stöðu kynjanna á öllum sviðum samfélagsins og í því skyni hafa núgildandi jafnréttislög nr. 10/2008 verið sett og aðrir fyrirrennarar þeirra. Í athugasemdum við frumvarp það er varð að lögunum segir m.a. að við setningu fyrstu jafnréttislaganna hér á landi var talið að erfitt yrði að breyta viðhorfum fólks til stöðu kynjanna en auðveldast yrði að breyta launamun þeirra. Annað kom á daginn og hefur sú ekki orðið raunin.
    Aðalumfjöllunarefni þessarar ritgerðar eru samningar sem gerðir hafa verið andstætt jafnréttislögum og hver réttaráhrif slíkra samninga eru. Í upphafi ritgerðarinnar verður almenn umfjöllun um ógildingarreglur og nokkur grundvallarhugtök á sviði samningaréttar skilgreind. Greint verður frá jafnræðisreglu stjórnarskrár Íslands nr. 33/1944, sem mikilvægt er að hafa í huga við lestur ritgerðinnar, en samkvæmt henni skulu allir menn vera jafnir fyrir lögum og njóta mannréttinda án tillits til m.a. kynferðis. Einnig verður fjallað almennt um lög nr. 10/2008, m.a. um uppruna þeirra og að hverju var stefnt með gildistöku þeirra.
    Því næst verður svo reynt að svara þeirri spurningu til hvers sé litið við mat á því hvort um sama eða jafnverðmætt starf sé að ræða í skilningi laga nr. 10/2008, þ.e. hvað þarf til þess að samningur um launakjör starfsfólks verði talinn andstæður lögunum og þar með ólögmætur.
    Að lokum verður greint frá því hvaða réttaráhrif samningar andstæðir lögum nr. 10/2008 hafa, þ.e. greint er frá þeim lögfylgjum sem tengdar eru lögunum og hvort aðila sem gerst hefur brotlegur gegn þeim beri að fara að þeim lögfylgjum.

Samþykkt: 
  • 13.4.2015
URI: 
  • http://hdl.handle.net/1946/20764


Skrár
Skráarnafn Stærð AðgangurLýsingSkráartegund 
Anna Rós.pdf381.01 kBOpinnHeildartextiPDFSkoða/Opna