Staða og gildi meginreglna EES-réttar í landsrétti: Með hvaða hætti óskráðar meginreglur hafa áhrif á landsrétt

Abstract

Almennt er viðurkennt í íslensku réttarkerfi að báðum dómstigum sé skylt að túlka landsrétt til samræmis við lögfestar reglur Evrópuréttar, eins og næst kemst. Í þessari ritgerð mun ég fjalla um óskráðar reglur Evrópuréttarins, með áherslu á meginreglur, og um álitaefni er snúa að því að hvaða leyti þessar reglur geta haft áhrif á dómsvald, framkvæmdarvald og löggjafarvald og á hvaða grundvelli dómstólum ber skylda til að túlka landsrétt til samræmis við þær.