Aftur út á vinnumarkað! Námsráðgjöf og starfsendurhæfing fólks sem hverfur af vinnumarkaði vegna veikinda eða slysa

Abstract

Þessi rannsókn snýr að því að skoða hvað gerist í lífi fólks þegar það hverfur af vinnumarkaði og hvaða leiðir fólk hefur til endurhæfingar og til þess að komast á ný út á vinnumarkaðinn. Hugmyndafræðin sem er að baki endurhæfingu er valdefling. Með valdeflingu er átt við þjónustu sem er á forsendum ráðþegans; notandinn stýrir ferðinni. Þessi rannsókn er eigindleg og notast er við veltiúrtak þar sem einn viðmælandi bendir á annan líklegan viðmælanda. Rannsóknin beinist að því að reyna að svara því hvaða möguleika einstaklingar hafa varðandi endurhæfingu og hvaða væntingar þeir hafa varðandi stöðu sína í framtíðinni þ.e. þátttöku á vinnumarkaði. Megin niðurstöður voru þær að nauðsynlegt er að setja upp miðlægan gagnagrunn þar sem einstaklingar geta fengið upplýsingar á einum stað um allar þær bjargir sem þeim standa til boða. Stjórnvöld þurfa að bæta tryggingakerfið til þess að jafna stöðu einstaklinga varðandi menntun, hvort heldur bóknám eða starfsnám. Að geta sótt sér menntun og þá starf við hæfi er líklegt til þess að bæta félagslega og efnahagslega stöðu þessa hóps.