Hvert sækjum við sögurnar? Rannsókn á uppruna þýddra skáldsagna fyrir börn og ungmenni á Íslandi og þáttur ritstjóra í vali þeirra

Abstract

Greinargerð þessi og viðaukarnir sem henni fylgja eru lokaverkefni mitt til M.A.-prófs í hagnýtri ritstjórn og útgáfu við Háskóla Íslands. Í greinargerðinni lýsi ég rannsókn minni á uppruna þýddra skáldsagna fyrir börn og ungmenni á Íslandi, annars vegar á árunum 1982–1986 og hins vegar 2010–2014. Með rannsókn á þessum tveimur tímabilum með 30 ára millibili hyggst ég varpa ljósi á það hvort og þá hvaða breytingar hafi orðið á því frá hvaða málsvæðum skáldsögur hafa verið valdar til þýðinga. Þáttur barnabókaritstjóra í þessu vali er skoðaður með viðtölum við ritstjóra sem störfuðu á þessum tveimur tímabilum.