en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/20877

Title: 
  • Title is in Icelandic Heimilishjálpir í Óman. „Börnin mín eru lífið“
Degree: 
  • Master's
Abstract: 
  • Abstract is in Icelandic

    Þessi ritgerð greinir frá rannsókn sem snýr að innfluttu vinnuafli í Mið-Austurlöndum, nánar tiltekið konum sem starfa við heimilishjálp í Óman. Spurt er um upplifun þeirra og reynslu og þar með er leitast við að varpa ljósi á líf þeirra fjarri fjölskyldu og heimalandi. Í upphafi ritgerðar er greint frá fræðilegri umfjöllun er tengist viðfangsefninu, svo sem um hnattvæðingu, fjölmenningu, fólksflutninga og kyn. Auk þess eru teknar til umfjöllunar aðstæður í Mið-Austurlöndum í þessu tilliti út frá mannréttindasjónarmiðum.
    Notast var við eigindlega rannsóknaraðferð og tekin viðtöl við ellefu konur frá þremur mismunandi löndum. Niðurstöður sýna að konur eru í raun virkur og sjálfstæður hópur gerenda í sögu fólksflutninga og hnattvæðingar. Rödd þessara kvenna er einnig mikilvægt innlegg á sviði mannréttinda og varpar ljósi á aðstæður innflutts vinnuafls í láglaunastöðum í Mið-Austurlöndum. Niðurstöður sýna einnig fjölbreytta upplifun og reynslu viðmælenda sem allar áttu það sameiginlegt að sækja vinnu erlendis vegna erfiðra aðstæðna heima fyrir, einkum í kjölfar makamissis eða hjónaskilnaðar, en flestar reyndust þær vera einstæðar mæður sem leggja á sig mikla vinnu og erfiðleika til að tryggja börnum sínum lágmarkslífsgæði. Áhrif þessa ferlis eru víðtæk og þau má sjá annars vegar í upplifun kvennanna og fjölskyldunnar heima fyrir og hins vegar almennt í móttökulandinu og heimalandinu sjálfu.

Accepted: 
  • May 4, 2015
URI: 
  • http://hdl.handle.net/1946/20877


Files in This Item:
Filename Size VisibilityDescriptionFormat 
MA_Ingag_Oman-HEILD-PDF.pdf846.07 kBOpenHeildartextiPDFView/Open