Inndjúpið: Heimildarþættir um samfélag ábúenda í innanverðu Ísafjarðardjúpi

Abstract

Inndjúpið er röð fjögurra sjónvarpsþátta um þá sem enn stunda hefðbundinn búskap við innanvert Ísafjarðardjúp. Þar hefur verið byggð frá landnámi, en mjög hefur kvarnast úr byggðinni undanfarin ár. Mikilvægt er að afla góðra heimilda um mannlíf og búskaparhætti við Djúp og ræða við þá sem þarna hafa búið á tímum mikilla breytinga. Þættirnir eru byggðir á viðtölum við ábúendur, sem auk þess er fylgt í daglegum störfum að vetri, sumri, vori og hausti.Aðstandendur verkefnisins eru þau Ásdís Ólafsdóttir dagskrárgerðarmaður, Þóra Arnórsdóttir dagskrárgerðarmaður, og Jóhannes Jónsson sem sá bæði um kvikmyndatöku og eftirvinnslu. Öll hafa þau reynslu af dagskrárgerð fyrir RÚV.Auk þáttanna hefur mikið efni verið tekið upp til síðari nota. Allt efni hefur verið flokkað og skráð og er varðveitt hjá Ríkisútvarpinu.