is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20941

Titill: 
  • Úr möppum til markaðshyggju: Nýskipan í ríkisrekstri, rammafjárlög og starfsmannalög
Námsstig: 
  • Bakkalár
Útdráttur: 
  • Tilgangur þessarar ritgerðar er að leitast eftir því að svara þeirri spurningu hvort að innleiðing rammafjárlagagerðar og lög um réttindi og skyldur starfsmanna nr. 70/1996 samræmist stefnu stjórnvalda um umbætur og nýskipan í ríkisrekstri eins og hún var sett fram í skýrlsu fjármálaráðuneytisins frá 1993. Fjallað er um þær kenningar sem mynda hugmyndakerfi nýskipunar í ríkisrekstri og megin inntak þeirra greint sem og annamarkar og gagnrýni á þær kenningar. Sögulegur aðdragandi að upphafi nýskipunar í ríkisrekstri er kynntur og dregin er upp mynd af því ástandi var í efnahags- og atvinnulífi á Íslandi frá miðjum áttunda áratugar tuttugustu aldar og fram að lokum níunda áratugarins. Gerð er grein fyrir megin inntaki stefnu íslenskra stjórnvalda eins og hún kom fram í skýrslu fjármálaráðuneytisins fá 1993 og hún sett í samhengi við þær kenningar sem að mynda hugmyndakerfi nýskipunar í ríkisrekstri. Grundvallareglur rammafjárlagagerðar eru útlistaðar sem og ferlið við gerð rammafjárlaga. Gerð er grein fyrir breyttri starfsmannastefnu ríkisins í upphafi tíunda áratugarins. Einnig er ferill frumvarps til laga nr. 70/1996 um réttindi og skyldur starfsmanna ríkisins rakinn og verður einnig gert grein fyrir efnistökum laga 70/1996. Að lokinni umfjöllun um rammafjárlög og lög 70/1996 er hvort tveggja sett í samhengi við stefnu stjórnvalda um nýskipan í ríkisrekstri og í samhengi við fyrrnefndar kenningar.
    Í niðurstöðum er rannsóknarspurningu svarað með ofangreinda umfjöllun að leiðarljósi. Færð eru rök fyrir því að rammafjárlagagerð eins og hún hefur verið innleidd á Íslandi samræmist stefnu stjórnvalda um umbætur og nýskipan í ríkisrekstri eins og hún kemur fram í skýrslu ráðuneytisins frá árinu 1993. Einnig eru færð rök fyrir því að að hluti laga um réttindi um skyldur starfsmanna ríkisins samræmist stefnu stjórnvalda um umbætur og nýskipan í ríkisrekstri eins og hún kemur fram í skýrslu ráðuneytisins frá árinu 1993. Þrátt fyrir það eru ákvæði um áminningar starfsmanna í ákveðinni mótsögn við stefnu stjórnvalda um umbætur og nýskipan í ríkisrekstri.

Samþykkt: 
  • 4.5.2015
URI: 
  • http://hdl.handle.net/1946/20941


Skrár
Skráarnafn Stærð AðgangurLýsingSkráartegund 
BA Ritgerð Kormákur skemma.pdf472.03 kBOpinnHeildartextiPDFSkoða/Opna