Fylgissveiflur þriggja stjórnmálaflokka og birtingarmyndir þeirra í sjónvarpsfréttum

Abstract

Í þessu verkefni voru birtingarmyndir þriggja stjórnmálaflokka í sjónvarpsfréttum Sjónvarpsins og Stöðvar 2 skoðaðar. Stjórnmálaflokkarnir voru Besti flokkurinn og Sjálfstæðisflokkurinn í aðdraganda borgarstjórnarkosninganna árið 2010 og Framsóknarflokkurinn og Sjálstæðisflokkurinn fyrir Alþingiskosningarnar árið 2013. Í báðum tilfellum átti stuðningur við Besta flokkinn og Framsóknarflokkinn eftir að aukast hratt samkvæmt könnunum á meðan fylgi við Sjálfstæðisflokkinn dróst saman. Skoðaðar voru allar fréttir um flokkana í sjónvarpsfréttum, 57 dögum fyrir hvorar kosningarnar. Fréttirnar voru metnar eftir því hvort þær voru jákvæðar, neikvæðar eða hlutlausar fyrir annan hvorn stjórnmálaflokkinn. Við mat á fréttum var stuðst við skýrslu Creditinfo sem unnin var eftir Alþingiskosningarnar 2013. Verkefnið var unnið út frá kenningu þeirra Maxwell McCombs og Donald Shaw um dagskráráhrif fjölmiðla en einnig var farið yfir kenninguna um bein og milliliðalaus áhrif, innrömmunaráhrif og hlutdrægni. Niðurstöðurnar sýndu að um Besta flokkinn voru sagðar fleiri jákvæðar fréttir heldur en um Sjálfstæðisflokkinn í aðdraganda borgarstjórnakosninganna 2010. Einnig voru fleiri fréttir neikvæðar fyrir Sjálfstæðisflokkinn heldur en fyrir Besta flokkinn. Svipuð mynd kom upp þegar fréttir í aðdraganda Alþingiskosninganna 2013 voru skoðaðar. Fleiri fréttir voru jákvæðar fyrir Framsóknarflokkinn heldur en Sjálfstæðisflokkinn. Á sama tíma sögðu sjónvarpsstöðvarnar færri neikvæðar fréttir fyrir Framsóknarflokkinn en Sjálfstæðisflokkinn. Fréttaflutningur beggja sjónvarpstöðva var nauðalíkur hvað varðaði afstöðu til flokkanna.