Hrörnum og hverfum: Leikrit. Rökrásin: Útvarpsleikrit

Abstract

Hrörnum og hverfumVerkefni þetta er lokaverkefni til meistaraprófs í ritlist við Háskóla Íslands. Verkefnið er handrit að leikriti í fullri lengd sem ber nafnið Hrörnum og hverfum. Inni í lokuðum heimi, þar sem er annað hvort slökkt eða kveikt á ljósinu, standa dyrnar opnar og snjóar inn. Þar búa systurnar Gyða og Rakel ásamt móður sinni. Rakel og mamma elska sama manninn, vegalausan elskhuga sem hefur flutt inn á þær. Í heimi þar sem dagarnir eru mislangir og augun eru lokuð og opin til skiptis er hættulegt að lifa. RökrásinRökrásin er lokaverkefni til meistaraprófs í ritlist við Háskóla Íslands. Verkefnið er handrit að útvarpsleikriti sem var frumflutt í Útvarpsleikhúsi RÚV september 2014.Eldri hjón, sem hafa ekki farið út úr húsi í þrjátíu ár, ákveða að opna ólöglega útvarpsstöð heima hjá sér. Þau gefa henni nafnið Rökrásin og er hún í loftinu núna. Opið er fyrir símann allan sólarhringinn og inn hringja sálir, pör sem eiga það sameiginlegt að vera föst í samböndum og hringrás árstíða. Hjónin hlusta á þá sem hringja inn, þau þekkja angistina og einmanaleikann, enda eru þau þú. Þau þekkja þig í sjálfum sér. Þjáningin knýr þau til góðra verka, eða hvað?