Óorð. Um orð mynduð með viðskeytinu –ó

Abstract

Þessi ritgerð er lögð fram til B.A.–prófs í íslensku á Hugvísindasviði Háskóla Íslands vorið 2015. Í henni er hegðun viðskeytisins –ó skoðuð með tilliti til orðmyndunar og beygingar en einnig er fjallað um útbreiðslu og notkun viðskeytisins í ritmáli og talmáli. Með sífellt fleiri samskiptamiðlum og aukinni tækjanotkun verður viðskeytið æ algengara í ritmáli og virðist þróast samhliða stöðugri aukningu á notkun þess. Mörg óorð, þ.e. orð með viðskeytið –ó, hafa fengið óorð á sig og teljast ekki vandað mál. Við skrif þessarar ritgerðar var því ekki eingöngu hægt að styðjast við viðurkennd orðasöfn, heldur þurfti að leita til almennra málnotenda og skoða notkun þeirra á viðskeytinu –ó. Fjórar kannanir voru lagðar fyrir um 360 þátttakendur en í ritgerðinni er sagt frá framvindu rannsóknarinnar og niðurstöður þeirra eru túlkaðar.