Er bloggið bylting?

Abstract

Í ritgerð þessarri er reynt að sýna fram á að blogg sé bylting í sögu fjölmiðlunar. Fjölmiðlar eru meðal áhrifamestu stofnana samfélagsins. Émile Durkheim hélt því fram að með breytingum á fjölmiðlum yrðu breytingar á samfélagsgerðinni. Einnig hélt Harold A. Innis því fram að einokunaraðilar, þ.e. eigendur fjölmiðla, reyndu ávallt að nýta þá sér í hag. Samfélagsgerðin breyttist því aldrei fyrir áhrif fjölmiðla nema einokunaraðilunum væri það þóknanlegt. Carl J. Couch fjallaði ýtarlega um það hvernig fjölmiðlar hafa verið notaðir í gegnum tíðina, allt frá þeim tíma þegar munnlegar frásagnir voru ríkjandi fjölmiðill þar til að tölvuvæðing hófst á 20. öld. Kenningum Couch og Innis verður fléttað saman og þær settar í samhengi við þann fjölmiðil sem í daglegu tali er nefndur blogg. Einkenni bloggsins eru ólík einkennum hinna fyrri ríkjandi fjölmiðla. Til að mynda lýtur það reglum félagslegra samskipta og tjáningarformið er með öðrum hætti. Ef hinir gömlu ríkjandi fjölmiðlar líta svo á að þeir þurfi að bregðast við samkeppni frá blogginu má með sanni segja að samfélagsgerðinni hafi verið breytt og að bloggið sé bylting.